Fluss Tock bie Pleschanov, Neu Samara.

Nieijchtjeite 05. Dezember 2010 Video vom Dolinsk-Treffen 2010 auf YouTube: Teil 1, Teil 2.

---

Dee Autore Diedrich Tisse in Nikolaj Tisse muchte op dise Websied dee Jeschicht von dee mennische Kolonie "Neu Samara" em Bereich vom vendoagsche Rußlaund deam Voltj in Jesalschoft tojenjlich moake.
 
Dee Kolonie woat veajestalt em Reame von dee Rußlaundmennonite eare Jesaumtjeschicht. Aunjefonge bie dee Wadadeepa, äwa daut Leawe von Mennonite enn Preisse, Omsiedlung nou Ukraina in Vespreede em gaunze Rusche Reich bit deam Tridjwaundre em dietsche Heimatlaund woat vesocht een toopholendet Jeschichtsbild optobühe.
 
Daut Haupt von dee Schreft es dee aul erweante Kolonie Neu Samara em Jebiet Orenburg. Behaundelt woat eare Jrindung, de Darpa woare eenzelt veajestalt, Kultüa, Traditione in Sitte woare deam Leasa wadajeaft. Uck dee Laundschauft, daut Tjliema, dee Laundwirtschaft in Veewirtschoft woare beschreawe. Doa äwa woat dee relijeese Entwetjlung enne Kolonie fe dee gaunze Tiet toopjefout.
 
Äschtemoul well wie met onse Schreft jeweasne Enwouna vone Neu Samara-Kolonie erreatje, met deam Ziel ahn onse jemeensome Vegangenheit veatostale.
 
Wieda han saul see Ütweartje, dee Interesse aun dit Thema habe, een toopholendet Jeschichtsbild von dee Neu Samara-Kolonie em Reame von Rußlaundmennonite eare Jeschicht beede.
 
Dee Jedanke dise Websied optostale kaum bie eenem Wiehnachtefiere em Joh 2003. Dee Oabeit aum Thema es em verüt 1 Joh veajeseene. Sull aun deam Thema Interesse senne, kaun dise Tiet velenjat woare.
 
Wie ploune uck noch dee Äwasatung von dee Websied enn dee enjlische, rusche in plautdietsche Sproake, om uck ver aulem em kanadischen Rüüm aunwesend tou senne. Jiedrem Gaust op dise Websied send wie fe sachlije Bemotjunge in womeajlije tjritisch-konstruktive Schreftstetja dankboa.

Plautdietsche Äwasatung von Heinrich Ditj